PA’PUDIAN 70 - Sura' Madatu

Passambayang umpalaku pa’tunduan madomi’ 70:1-6

¹ Lu lakona pangala sengo. Pa’pudianna Daud. Ke dipennoloanni tu pemala’ kapengkilalan.

² O Puang Matua, madomi’Komi urrampananna’, tunduina’ madomi’ o PUANG!

³ Melo ke kasirisanni sia pada maila’i tu mintu’ to undaka’ sunga’ku la naka’tu; melo ke sorong boko’i sola nasangi sia kasirisan, tu mintu’ to umporai ke mandasana’.

⁴ Da’ito anna sule leko’ belanna kasirisan, tu mintu’ to umpa’pallakanna’.

⁵ Melo ke mintu’ to undaka’Komi umpoparannu sia umpopaimanKomi; melo ke mintu’ to ungkamali’ kamakarimmanan lu mai Kalemi, tontong ma’kada: La dipakasalle tu Puang Matua!

⁶ Aku te mandasa sia mase-mase; madomi’Komi sae lako kaleku, o Puang Matua! Kamumo To patunduangku sia perinding pala’ku, da Mimarempa to lamban, o PUANG.