PA’PUDIAN 13 - Sura' Madatu

Kapa’rannuanan lan kamaparrisan 13:1-6

¹ Lu lakona pangala sengo. Pa’pudianna Daud.

² Sangapapi, o PUANG, la tontong bangroKomika untanannina’ boko’? SangapapoKomi la umbunianna’ lindoMi?

³ Sangapapa’ la ma’inaa-naa, Sia umpariba’tang dosso inaa keallo-keallo? Sangapapara’ la nasau’ parrang ualingku?

⁴ Tirona’ sia perangiina’, o PUANG, Kapenombangku! Pamabaliga’i tu matangku, da angku mamma’ kupourungi mate.

⁵ Da nama’kada tu ualingku kumua: kutalomo, sia da naparannu paiman tu balingku, ke tilende’na’.

⁶ Apa urrannuanna’ kamasokanamMi, sia la parannu paiman tu penaangku diona kadilendokan Mipabu’tu! La menanina’ untendeng PUANG tu belanna kameloan Napogau’ lako kaleku.