PA’PUDIAN 11 - Sura' Madatu

PUANG Pentiongananta 11:1-7

¹ Lu lakona pangala sengo. Pa’pudianna Daud. Lako manna PUANG kunii sande’! Ma’apai ammi kua lako deatangku: Mallaiko langngan padang ma’buntummu butung manuk-manuk?

² Belanna tiromi umpatu’tunmo bulianna tu to tang mekaaluk, napatamamo bulian tu tinaranna, la untinaranni to bulo lollong dio mai to’ malillinna.

³ Iake mintu’i parandangan disaeran, apapa tu la napogau’ to malambu’?

⁴ Iatu PUANG tongkon lan banua kabusunganNa, sia lan suruga tu isungan kapayunganNa PUANG; mentiro tu matanNa, sia kulimbang matanNa ussudi mintu’ ma’rupa tau.

⁵ Nasudi PUANG tu to malambu’ sia to tang mekaaluk, apa iatu penaanNa ungkabiri’ to patoro’ buku.

⁶ La Napauranni ruaya sia solo’ tu to tang mekaaluk, sia angin malallang tu taana tau iato mai.

⁷ Belanna malambu’ tu PUANG sia ungkabarii kamalamburan; iatu to bulo lollong la umpemantang rupanNa.