PA’PUDIAN 100 - Sura' Madatu

Pudimi Puang Matua lan banua kabusunganNa 100:1-5

¹ Pa’pudian napopenani tau, ke dipennoloanni tu pemala’ pa’pudian. Pela’tekanni tu PUANG, e mintu’ issinna lino!

² Mengkaolakomi langngan PUANG situang kaparannuan, sia maikomi ra’ban-ra’ban menani mennolo dio oloNa.

³ Issanni kumua iatu PUANG, iamo Puang Matua. Iamo ungkombongki’ na kita te kombongNaki’, taunNaki’ sia domba nalaai.

⁴ Unnola tamakomi babanganNa situang pa’kurre sumanga’, sia tamakomi tarampakNa sitonda pa’pudi-pudian, la mipudi sia la mipakala’bi’ tu sanganNa!

⁵ Belanna iatu PUANG masokan, na mamaseNa tontong sae lakona, sia iatu kamarurusanNa landa’ lako disituran-turananni.