AYUB 25 - Sura' Madatu

Kada ma’pentallunna Bildad, nakua: Moi misa’ tolino tae’ namalolo dio oloNa Puang Matua 25:1-6

¹ Ma’kadami tu Bildad, to Suah, nakua:

² Kama’parentan sia pa’patiramban dio Puang, tu mesua umpaden kamarampasan dao masuanggana.

³ Dipuraraka diia’ tu mintu’ ma’dandan maritikNa? Sia mindara tu tang nanii bu’tu arrangNa?

⁴ Umbara la nakua tu misa’ tolino malolo dio oloNa Puang Matua, ba’tu umbara nakua la masero tu to nadadian misa’ baine?

⁵ Tiromi, moi bulan tae’ namarorrong tu arrangna, sia iatu bintoen tae’ namasero tu dukkunna dio pentiroNa Puang;

⁶ ondong pole’ tu tolino, ulli’ bangri, sia ma’rupa tau, kalinting bangri?