Siin Giala 5 - LAWA A BOO SONBORE

Min mɛnɛn nə kɛdɛnan baa, a saa Aadã ganaa a wo Nowee yaa

¹ Aadã a kɛdɛnan sɛ́wɔ á ke: Lawa bɛ́ á minbuiin nɛ zɛnaa ǹ mɛn pinaa, a na á zɛnaa a din a kɔnboe lɛa.

² Á ǹ zɛnaa giĩ laanka lɔ nɛ, á barka da ǹ ganaa, á ǹ bíi mà "Minbuiin Nɛ" ǹ zɛnaa pinaa dinin.

³ Aadã bɛ́ á lɛ̀ paabiɛ ka pɔsɔɔ (130) zɛnaa kanaa ǹ mɛn waáraa, á nɛgiĩ yɛ a din a kɔnboe lɛa, ka a din bɛ́ lɔn. A ná a tɔ kɔ Sɛɛti.

⁴ Sɛɛti a yɛ kio, á wusoo á lɛ̀ biɛkiwisi (800) zɛnaa kanaa, á nɛgiĩ kɔsɔn laanka nɛlɔn yɛ.

⁵ A lɛ̀ lɛ mɛn zɛnaa kanaa, a tumaa a kaa kun nə lɛ̀ biɛmanangɔrɔ ka pɔsɔɔ (930), bɛ kio, á tɔ́n gã.

⁶ Sɛɛti lɛ̀ paabiɛ ka sooro (105), á Enɔɔsi yɛ.

⁷ Enɔɔsi a yɛ kio, á wusoo á lɛ̀ biɛkiwisi ka sɔbaa (807) zɛnaa kanaa. Á nɛgiĩ kɔsɔn laanka nɛlɔn yɛ.

⁸ A lɛ̀ lɛ mɛn zɛnaa kanaa, a tumaa a kaa kun nə lɛ̀ biɛmanangɔrɔ ka fulupaa (912), bɛ kio, á tɔ́n gã.

⁹ Enɔɔsi lɛ̀ pɔmanangɔrɔ, á Kenan yɛ.

¹⁰ Kenan a yɛ kio, Enɔɔsi wusoo á lɛ̀ biɛkiwisi ka fulusooro (815) zɛnaa kanaa. Á nɛgiĩ kɔsɔn laanka nɛlɔn yɛ.

¹¹ Enɔɔsi lɛ̀ lɛ mɛn zɛnaa kanaa, a tumaa a kaa kun nə lɛ̀ biɛmanangɔrɔ ka sooro (905), bɛ kio, á tɔ́n gã.

¹² Kenan lɛ̀ pɔsɔbaa, á Malaleeli yɛ.

¹³ Malaleeli a yɛ kio, Kenan wusoo á lɛ̀ biɛkiwisi ka pusi (840) zɛnaa kanaa. Á nɛgiĩ kɔsɔn laanka nɛlɔn yɛ.

¹⁴ Kenan lɛ̀ lɛ mɛn zɛnaa kanaa, a tumaa a kaa kun nə lɛ̀ biɛmanangɔrɔ ka fù (910), bɛ kio á tɔ́n gã.

¹⁵ Malaleeli lɛ̀ pɔsɔrɔwensooro, á Yerɛdi yɛ.

¹⁶ Yerɛdi a yɛ kio, Malaleeli wusoo á lɛ̀ biɛkiwisi ka pɔsɔɔ (830) zɛnaa kanaa. Á nɛgiĩ kɔsɔn laanka nɛlɔn yɛ.

¹⁷ Malaleeli lɛ̀ lɛ mɛn zɛnaa kanaa, a tumaa a kaa kun nə lɛ̀ biɛkiwisi ka pɔmanangɔrɔwensooro (895), bɛ kio, á tɔ́n gã.

¹⁸ Yerɛdi lɛ̀ paabiɛ ka pɔsɔrɔwenpaa (162), á Enɔɔki yɛ.

¹⁹ Enɔɔki a yɛ kio, Yerɛdi wusoo á lɛ̀ biɛkiwisi (800) zɛnaa kanaa. Á nɛgiĩ kɔsɔn laanka nɛlɔn yɛ.

²⁰ Yerɛdi lɛ̀ lɛ mɛn zɛnaa kanaa, a tumaa a kaa kun nə lɛ̀ biɛmanangɔrɔ ka pɔsɔrɔwenpaa (962), bɛ kio, á tɔ́n gã.

²¹ Enɔɔki lɛ̀ pɔsɔrɔwensooro, á Matuuselaa yɛ.

²² Matuuselaa a yɛ kio, Enɔɔki kɔ Lawa a zii lɛ, lɛ̀ biɛsɔɔ (300) gɔ́ɔ̃ nɛ. Á nɛgiĩ kɔsɔn laanka nɛlɔn yɛ.

²³ Enɔɔki lɛ̀ lɛ mɛn zɛnaa kanaa, a tumaa a kaa kun nə lɛ̀ biɛsɔɔ ka pɔsɔrɔwensooro (365).

²⁴ A bɛ́ á kɔ Lawa a zii lɛ, Lawa saa á woo-n a din li lon, min yii yɛ doo wa.

²⁵ Matuuselaa lɛ̀ paabiɛ ka pɔkiwisiwensɔbaa (187), á Lemɛki yɛ.

²⁶ Lemɛki a yɛ kio, Matuuselaa wusoo á lɛ̀ biɛsɔbaa ka pɔkiwisiwenpaa (782) zɛnaa kanaa. Á nɛgiĩ kɔsɔn laanka nɛlɔn yɛ.

²⁷ Matuuselaa lɛ̀ lɛ mɛn zɛnaa kanaa, a tumaa a kaa kun nə lɛ̀ biɛmanangɔrɔ ka pɔsɔrɔwenmanangɔrɔ (969), bɛ kio, á tɔ́n gã.

²⁸ Lemɛki lɛ̀ paabiɛ ka pɔkiwisiwenpaa (182), á nɛgiĩ yɛ.

²⁹ A ná a tɔ kɔ mà Nowee (bɛ giala mà "Foobasiɛ̃"). A giala, a na á goã pii mà Dɛnaa lɛn pipiã bíi tán mɛn li, mà bɛa dí bɛ́ nɔmaa babaraa mɛn diɛ ǹsɛn mìi ni, mà kɛ n die foo basiɛ̃ koe ǹsɛn la bɛ gɔ́ɔ̃ nɛ.

³⁰ Nowee a yɛ kio, Lemɛki wusoo á lɛ̀ biɛsooro ka pɔmanangɔrɔwensooro (595) zɛnaa kanaa. Á nɛgiĩ kɔsɔn laanka nɛlɔn yɛ.

³¹ Lemɛki lɛ̀ lɛ mɛn zɛnaa kanaa, a tumaa a kaa kun nə lɛ̀ biɛsɔbaa ka pɔsɔbaawensɔbaa (777), bɛ kio, á tɔ́n gã.

³² Nowee lɛ̀ biɛsooro (500), á nɛgiĩ sɔɔ yɛ: Sɛmu ni, ka Kaamu ni, ka Zafɛti ni.