Minin nimi 2 - LAWA A BOO SONBORE

Gia ǹ bǎã lɛ a giãmanɛ ǹ gɔn

¹ Dɛnaa Lawa boo da Muizu laanka Aarɔn nɛ, á pɛ:

² «Izirayeli minin lɛn didie die a giã kunu a zanzan ganaa, a tɔrɔ dɔ̃ ǹ màn a sii a kɔnboe giulun. Ǹ die ǹ nə ǹ giã ǹ bǎãn dɔdoa tiãlɛa, ǹ kɔn yɛ ka Lawa nɛ ǹ kion lɛ da bii ni.

^3-4 «Zudaa tɔrɔn giã ǹ bǎã n die goɛ̃ lɛ̀giala gɔn la, ǹ zanzan nɛ, ǹ zia nɛn nɛ. Aminaadaabu a nɛgiĩ Naasɔn mɛn nə́ ke Zudaa tɔrɔn goledɛnaa lɛa, bɛ n die goɛ̃ walan kun ka a zia nɛn nɛ, zia nɛ duu pɔsɔbaawensi ka biɛsɔrɔ (74 600).

⁵ Isakaara tɔrɔn laanka Zabulɔn tɔrɔn tá re giɛ̃ kun ka Naasɔn lɛ nɛ. Isakaara tɔrɔn lɛn goledɛnaa n ka Suwaara a nɛgiĩ Netaneli ni,

⁶ a zia nɛn man min duu posoorowensii ka biɛ sii (54 400).

⁷ Zabulɔn tɔrɔn dɔn goledɛnaa n ka Elɔn a nɛgiĩ Eliabu ni,

⁸ a zia nɛn man min duu posoorowensɔbaa ka biɛsii (57 400).

⁹ «Zudaa tɔrɔn giã ǹ bǎã lɛ a minin kaa kun nə min duu paabiɛ ka pɔkiwisiwensɔrɔ, ka biɛsii (186 400), zia nɛ kuru sɔɔ lɛ wɔ lɛa. Bɛn man die woe nyɛɛn bibinaa nɛ.

^10-11 Urubɛn tɔrɔn giã ǹ bǎã n die goɛ̃ gusin a lɛ̀gɔn la, ǹ zanzan nɛ, ǹ zia nɛn nɛ. Sedewuru a nɛgiĩ Elisuuru ke Urubɛn tɔrɔn lɛn goledɛnaa lɛa, bɛ n die goɛ̃ walan kun ka a zia nɛn nɛ, zia nɛ duu pusiwensɔrɔ ka biɛsooro (46 500).

¹² Simiɔn tɔrɔn laanka Gaadi tɔrɔn tá re giɛ̃ kun ka Elisuuru lɛ nɛ. Simiɔn tɔrɔn lɛn goledɛnaa n ka Surisadayii a nɛgiĩ Selumiyeli ni,

¹³ a zia nɛn man min duu posoorowenmanangɔrɔ ka biɛ sɔɔ (59 300).

¹⁴ Gaadi tɔrɔn dɔn goledɛnaa n ka Rewuyeli a nɛgiĩ Eliyasaafu ni,

¹⁵ a zia nɛn man min duu pusiwensooro ka biɛsɔrɔ ka posooro (45 650).

¹⁶ Ka Urubɛn tɔrɔn bǎã lɛ a min mɛnɛn nimi, ǹ kaa kun nə min duu paabiɛ ka duu posoorowengoon ka biɛsii ka posooro (151 450) zia nɛ kuru sɔɔ lɛ wɔ lɛa. Bɛn man die goɛ̃ a paabaa ǹ wɔ lɛa ǹ woo.

¹⁷ Bɛ kio, *Levii tɔrɔn kɛn tá re woe ka kɔn yɛ ka Lawa nɛ ǹ kion kɛ nɛ. Maǹ die goɛ̃ sɔraasi kuru gialakunun lɛn bii. Zaman lɛ n die koɛ kɔn la ǹ woo, a kɔnpɛ ka ǹ giã kɔn li ǹ gɔn nɛ ǹ giã ǹ bǎã nɛ, ǹ didie ná a bǎã nɛ, a kɔnpɛ ka a tɔrɔ a zanzan bǎã nɛ.

¹⁸ Efrayimu tɔrɔn giã ǹ bǎã n die goɛ̃ lɛ̀nyɛɛn gɔn la, ǹ zanzan nɛ, ǹ zia nɛn nɛ. Amiwudu a nɛgiĩ Elisaamaa n Efrayimu tɔrɔn lɛn goledɛnaa lɛa,

¹⁹ a zia nɛn man min duu pusi ka biɛsooro (40 500).

²⁰ Manaasee tɔrɔn laanka Bɛnzamɛn tɔrɔn tá re giɛ̃ kun ka Elisaamaa lɛ nɛ. Manaasee tɔrɔn goledɛnaa n ka Padasuuru a nɛgiĩ Galimeyeli ni,

²¹ a zia nɛn man min duu pɔsɔɔwenpaa ka biɛpaa (32 200).

²² Bɛnzamɛn tɔrɔn dɔn wɔ n ka Gideonii a nɛgiĩ Abidan kɛ nɛ,

²³ a zia nɛn man min duu pɔsɔɔwensooro ka biɛsii (35 400).

²⁴ Efrayimu tɔrɔn bǎã lɛ a minin kaa kun nə min duu paabiɛwenkiwisi, ka paabiɛ (108 100) zia nɛ kuru sɔɔ lɛ wɔ lɛa. Bɛn man die goɛ̃ a sɔɔbaa ǹ wɔ lɛa ǹ woo.

²⁵ Dan tɔrɔn giã ǹ bǎã n die goɛ̃ gɔsɛ a lɛ̀gɔn la, ǹ zanzan nɛ, ǹ zia nɛn nɛ. Amisadayi a nɛgiĩ Ayiezɛɛrɛ ke Dan tɔrɔn lɛn goledɛnaa lɛa, bɛ n die goɛ̃ walan,

²⁶ a zia nɛn man min duu pɔsɔrɔwenpaa ka biɛsɔbaa (62 700).

²⁷ Asɛɛrɛ tɔrɔn laanka Nɛfutalii tɔrɔn tá re giɛ̃ kun ka Ayiezɛɛrɛ lɛ nɛ. Asɛɛrɛ tɔrɔn lɛn goledɛnaa n ka Okran a nɛgiĩ Pagiyeli ni,

²⁸ a zia nɛn man min duu pusiwengoon ka biɛsooro (41 500).

²⁹ Nɛfutalii tɔrɔn dɔn wɔ n ka Eyinan a nɛgiĩ Ayiraa nɛ,

³⁰ a sɔraasin man min duu posoorowensɔɔ ka biɛsii (53 400).

³¹ Dan tɔrɔn giã ǹ bǎã lɛ a minin kaa kun nə min duu paabiɛ ka posoorowensɔbaa ka biɛsɔrɔ (157 600). Bɛn man die woe nyɔɔbaa nɛ, ka ǹ zanzanan nɛ.»

³² Ǹ Izirayeli minin mɛnɛn lɛn nimi ǹ dikionən lɛ yii li, ǹ dinin man ka kɛn nɛ kɛnɛn. Ǹ min mɛnɛn tumaa nimi, ǹ nə́ giã ǹ bǎãn lɛn minin lɛa, zia-baali kuru lɛ yii li, bɛn kaa kun na á kɔnpɛ ka min duu biɛsɔrɔwensɔɔ ka biɛsooro ka posooro (603 550).

³³ Ka Dɛnaa Lawa goã á pɛ Muizu-n lɔn, ǹ Levii tɔrɔn lɛn nimi kun ka Izirayeli min gialakunun lɛn nɛ wa.

³⁴ Dɛnaa Lawa goã á boo mɛn tumaa pɛ Muizu ni, Izirayeli minin lɛn nə́ sii lɛ zɛnaa á kɔnpɛ ka bɛ nɛ ka te. Bɛa yɔrɔ lɛ la, ǹ nə́ goã giɛ̃ ǹ giã ǹ bǎã nɛ, zia-baali kuru lɛ yii li, ka bɛ dɔ nɛ, ǹ nə́ goã tɔ we woe tanlɛ yii li, sumu lɛ yii li.