Loen 87 - LAWA A BOO SONBORE 2011

Min tumaa n Zeruzalɛmu wɔ lɛa

1 Koore a minin loe goon ne. Loe.

¹ Koore a minin loe goon ne. Loe. Dɛnaa Lawa na á *Siɔn kiwi giala wɔ kele sonboren la.

² Kiwi lɛ laanka a kiɛnlɛn tá kɔɔ̃n Dɛnaa Lawa ganaa, á la kiwin tumaa nɛ, Izirayeli gána lɛ nɛ.

³ Lawa a kiwi, Lawa din bɛ́ màn mɛn tumaa diɛ n wɔ paǹ li, bɛ nə n tɔ guguru kɔ ǹ boo lɛa. *Doa

⁴ Man Ezipti laanka *Baabilonii tɔ bíi, kun maa doɛ̃ wolen ne. Haalɛ minin mɛnɛn dɔn dinin bɛ́ ǹ nə́ yɛ Filisiti, Tiiri ka Etiopii gána nɛ.

⁵ Sonbore, maǹ pii Siɔn wɔ paǹ li, mà gánan kɛn lɛn tumaa a minin dikion taãn nə ka kiwi kɛ nɛ. Lon a Lawa gole dinmaa na á ná a giala wɔ.

⁶ Dɛnaa Lawa din nə tɔrɔn tɔ kiɛ̃ sɛ́wɔ nɛ, a n kiɛ̃ ǹ min gogoonmaa wɔ paǹ li, mà ǹ dikion taãn nə ka Siɔn nɛ. Doa

⁷ Lawa a kiwi, minin man loe loe, ǹ nə́ bɛ̀ biɛ, mà Zeruzalɛmu, wɔsɛn man wɔ dinin piɛ kànaa.