Loen 74 - LAWA A BOO SONBORE 2011

Loe mɛn bɛ́ á n lɔ, Lawa a Kion lɛ a ziziɛ̃ kio

1 Asaafu a loe mɛn bɛ́ daraa koe minin la.

¹ Asaafu a loe mɛn bɛ́ daraa koe minin la. Lawa, wàa na á baa, ń wɔ daa kɛnɛn ka lenlen? Wɔsɛn man ka tɔɔ kuru bɛ́ lɔn, n din nə wɔ lɛduə̃li lɛa, wàa na á baa, n foo á goɛ̃ yoo-n wɔ li kɛnɛn?

² N yiri koa n din a zaman kɛ nɛ, n zaman mɛn pii, ń baa n din wɔ lɛa haalɛ lɛlɛ. N yiri koa ka *Siɔn kele kɛ nɛ, n din bɛ́ n nə́ n giã ǹ bǎã koa ǹ mɛn la ke lɛn.

³ Dii n dɔ kɛbɔlɔn kɛn la, ǹ nə́ zizi kɔ gɔrɔ. Zɔ́ɔ màn tumaa ziziɛ̃ Kion sonbore kɛ gɔ́ɔ̃ nɛ.

⁴ N bɛ́ ń goã n diɛ wɔ lɛ bǎã mɛn nɛ dinin ke lɛn, n zɔ́ɔn man nə́ n lɛ dɛdɛ walan lɛ nɛ. Maǹ nə́ ǹ zanzan zumu walan lɛ-n dinin.

⁵ Ma n pii mà maǹ daã gòã li, ǹ nə́ ǹ sɛ̀miɛ̃n dia lon, da kuri.

⁶ Ǹ nə́ n kaa kun, ǹ nə́ màn-sɛlɛɛn kɛn yɔyɔrɛ ka sɛ̀miɛ̃ laanka sukun ni.

⁷ Ǹ nə́ tɛ da n din a Kion sonbore kɛ ganaa. Ǹ nə́ n din a giã ǹ bǎã kɛ dɛ, ǹ nə́ kaa, ǹ nə́ *gɔ̀ lɔ a ganaa.

⁸ Maǹ nə́ goã pii kɔn nɛ kɛnɛn, wɔa wɔ paǹ li: Wɔ n die ǹ tumaa yɔyɔrɛ, wɔ tɛ da gána lɛ a Lawa guguru kɔ ǹ bǎãn tumaa ganaa.

⁹ Wɔ yii ba n din a tá wɔ li ǹ sii kɔn ganaa doo wa. N boo gii-dali kɔn banban doo wa. Á n die goɛ̃ miɛ̃ dɔn yǎa biĩ, wɔ kɔn ba bɛ dɔ doɛ̃ wa.

¹⁰ Lawa, zɔ́ɔn sɔ kɔ n ganaa ke, bɛ n die woe nyɛɛn yǎa biĩ doo? Zɔ́ɔn yaa wɔ n ganaa ke, bɛ dɔ n die woe nyɛɛnɛ a belebɔ doo?

¹¹ Wàa na á baa, n tá n gɔnɔn kiɛ n kolo-n, n ba sii kɔn zɛnɛɛ wa?

¹² Lawa, a da yaa, n din dɔ n maa kii lɛa, haalɛ lɛlɛ-lɛlɛ. Gɔ̀lɔ̀baa gigiã nə n din dɔ wɔ lɛa, gána kɛ lɛ gɔ́ɔ̃ nɛ.

¹³ Ń kɔ̀ mu kũ ń golee ne, ka n din pàã nɛ. Ń tɔɔ babaraa piɛ̃wolen kɛn mìi yu.

¹⁴ Ń *Leviatan kɛ lɛ goon mìin yɔyɔrɛ, ń kɔ zɔ̀ dadaran la, ǹ nə́ mui.

¹⁵ N din nə ń mu yalan kɛn fɔ̃, ka pɛrɛn kɛn nɛ. Pɛrɛn mɛnɛn bɛ́ ǹ mu a piɛ̃ duduu wa, ń bɛn mu piɛ̃.

¹⁶ Lɛawaa nə n din wɔ lɛa, tèlò dɔ nə n din wɔ lɛa. N din nə́ ń mui laanka wasa koa ǹ bǎã nɛ.

¹⁷ N din nə́ ń tán zɛnaa, ń ná a lɛ doa ǹ bǎã tumaa koa. N din nə́ ń bɔ̀nɔn laanka taãlan zɛnaa.

¹⁸ Dɛnaa Lawa, n yiri koa kɛ nɛ, mà zɔ́ɔn nə́ sɔ kɔ n ganaa. Tɔrɔ gàãnaa kɔn yaa wɔ n ganaa.

¹⁹ N baran n din a zaman pàãwɛɛnaa kɛ toa walan wa. N baran toa minin kɛn gɔn wa, minin kɛn baraa ka don siĩn bɛ́ lɔn. N yiri baran bɔ yǎa duduu wa, n yiri baran bɔ n din wɔn kɛn ganaa wa, n din wɔn kɛn nɔmaa gɔ́ɔ̃ nɛ.

²⁰ Ga n din a lɛ-kɔ kɛ ganaa. Minin manə n duri gána lɛ a wɔlɔ tì bǎãn nɛ, ǹ tá basaã koe kɔn nɛ.

²¹ N baran toa nɔmaa-wɔlen kɛn nə goã sìi gɔ́ɔ̃-n miɛ̃ wa. Sɛnɛ, a toa doobaan laanka nɔmaa-wɔlen kɛn nə n tɔ bɔ.

²² Lawa! Yoo, n nə n din a zia gii da. N yiri koa gàãnaan kɛn nɛ. N yiri koa ǹ baraabaraa a sɔ kɔ n ganaa kɛ nɛ.

²³ N yiri baran bɔ n zɔ́ɔn giĩbaa ǹ lɛ-dɛ kɛ-n wa, ǹ baraabaraa a lɛ-dɛn kakan kɛn, ǹ nə́ ǹ zɛnɛɛ, nyɛɛ n nɛ.