Loen 100 - LAWA A BOO SONBORE 2011

Lawa tɔ bɔ ǹ loe

1 Barka da ǹ loe.

¹ Barka da ǹ loe. Ka kanaa minin lɛn tumaa, ka foo kɔɔ̃nbaa ǹ loe lɔ Dɛnaa Lawa nɛ.

² Ka dí nya Dɛnaa Lawa nɛ ka nyɛnyɛɛ nɛ. Ka da a yɔrɔ-a ka nyɛnyɛɛ gole ne.

³ Ka dɔ̃ mà Dɛnaa Lawa n Lawa lɛa. A din na á wɔ zɛnaa, wɔ na a din wɔn lɛa. A din a minin man wɔ nɛ, a n wɔ lɛduĩ ka n bɛ́ tɔɔn lɛduĩ lɔn.

⁴ Ka wɔ Dɛnaa Lawa kion, bɛ̀ ka n barka diɛ nɛ, ka wɔ a sumu-n, bɛ̀ ka n loe loe a tɔ boe ne. Ka barka da nɛ, ka a guguru kɔ.

⁵ A giala, Dɛnaa Lawa á siĩni, a kɔn-narɛɛ gole kɛ na a tan yǎa duduu, a n bɔlɔgoondɛnaa lɛa biikoo tumaa li.