Kawkanta 150 - Hay halitá nin Diyos hay kawkanta boy kawkahalita-an (The New Testament Psalms and Proverbs)

Poriyen ya Pangino-on

¹ Poriyen moyoy Pangino-on. Poriyen ya Diyos ha bali na. Poriyen ya ha pinakamatag-ay ya dogal ya ginawà na ha kapangyariyan na.

² Poriyen ya banà ha gawgawà nay makapangyariyan; poriyen ya simpri ha masyadoy karangalan na.

³ Mamatnoy nin trompita, alpa, boy lira ha pamomori kona.

⁴ Ha pamomori simpri kona ay mamatnoy nin pandirita, tomalek, boy mamatnoy nin alpa boy plawta.

⁵ Manggamit nin gatsing ha pamomori kona; ipakakhaw ya paggatsing ha pamomori kona.

⁶ Dayi, hay Pangino-on ay poriyen nin kaganawan ma-in inawawen. Poriyen moyoy Pangino-on.