Kawkanta 131 - Hay halitá nin Diyos hay kawkanta boy kawkahalita-an (The New Testament Psalms and Proverbs)

Panalangin ya ma-in pagmamaka-aypà

(Kanta ni Dabid ya angkantawen mintras ampako ha bali nin Diyos)

¹ Pangino-on, ayin akon nakem ya mapagmalhay boy alwa kon hambog nin manegteg. Agko ampaki-emen ha mangaldeg ya labay totolen nin bawbagay ya kawkapapa-ispanta ya agko angka-intindiyan.

² Hiko ay ayin anan angkagolowan ta ma-in akoynan katinekan nin bilang ha mayamò ya anak ya hiniyay ana ha pannonò; talagan bilang akoyna ha mayamò ya anak ya hiniyay ana ha pannonò.

³ Hikawoy aw-inalalak ni Israyil, omasa kawo ha Pangino-on pa-ibat hapa-eg anggan makakanoman.