Kawkanta 124 - Hay halitá nin Diyos hay kawkanta boy kawkahalita-an (The New Testament Psalms and Proverbs)

Pamomori ha Pangino-on nin banà ha kalibriyan ha kawka-away

(Kanta ni Dabid ya angkantawen mintras ampako ha bali nin Diyos)

^1-3 Ma-arì nin ombayri ya halita-en nin aw-inalalak ni Israyil: no agtamo kinampiyan nin Pangino-on hin kowinta dinawohong tamo nin kawka-away tamoy masyadon ampipamayani ay kowinta in-amon la tamoy angkabiyay;

^4-5 boy hin kowinta na-alipoteh tamo nin malhay ya lanab ay nikalemeh tamoyna rayi.

⁶ Poriyen tamoy Pangino-on ta agna tamo pina-olayan nin mapati nin kawka-away tamo.

⁷ Hitamo ay bilang ha manokmanok ya naka-alih ha papandakep nin mangangaho, ta hatoy kowinta papandakep ay nahirà; kayà libri tamoyna.

⁸ Hay tambay kontamo ay mangibat ha Pangino-on ya namalsa nin langit boy lotà.