Kawkanta 113 - Hay halitá nin Diyos hay kawkanta boy kawkahalita-an (The New Testament Psalms and Proverbs)

Poriyen ya Pangino-on ha kahampatan na

¹ Poriyen moyoy Pangino-on. Hikawoy mawmagsisirbi nin Pangino-on, poriyen moyoy ngalan na.

² Hay ngalan nin Pangino-on ay poriyen pa-ibat hapa-eg anggan makakanoman.

³ Pa-ibat baytan anggan babà, kaganawan tawo ay mamori ha ngalan nin Pangino-on.

⁴ Hay Pangino-on ay ampamo-on ha kaganawan nasyon; hay kagandawan na ay ayin kapantay.

⁵ Ayin makapakipantay ha Pangino-on nawen Diyos; hiya ay ampiknò ha trono na ya anti ha katatag-ayan,

⁶ boy pa-ibat bayro ay anlonglongan nay langit boy lotà.

⁷ Hay manga-irap ay an-alihen na ha ka-i-ingaloy kapapa-hal; hay ampipanga-ilangan itaman ay an-itag-ay nay kapapa-hal.

⁸ Hila ay an-ilamo na ha tawtawo nay ampipamo-on ya mangatag-ay ya pagkatawo.

⁹ Hay babayi ya ba-og ya ma-in ahawa ay pinaliga nin Pangino-on, ta pinolalagan nan nagkama-in aw-anak. Poriyen moyoy Pangino-on.