Kawkanta 100 - Hay halitá nin Diyos hay kawkanta boy kawkahalita-an (The New Testament Psalms and Proverbs)

Kantan pamomori ha Pangino-on Diyos

¹ Kaganawan tawo ha babon lotà ay mibobo-angaw nin magtowà ha Pangino-on.

² Magsirbi kawo ha Pangino-on nin ma-in kaligawan, boy magtowà kawon magkanta ha pamakarani moyo kona.

³ Tanda-an moyo ya hay Pangino-on ay Diyos; hiya ya namalsa kontamo boy hitamo ay ikon na. Hitamo ay tawtawo na ya an-asiwa-en na nin bilang ha tawtopa ya ampastolan na.

⁴ Lomo-ob kawo ha poltan kolob nin bali nin Diyos nin ma-in pasasalamat, boy mamori kawo kona ha panlomo-ob moyo bayro. Mambi kawon pasasalamat kona boy poriyen moyoy ngalan na,

⁵ ta hay Pangino-on ay mahampat, boy ayin anggay ingangalo nay ma-in panlalabi. Hay katapatan na ay magpatoloy ha kaganawan lipì.