Саалтыр 97 - Сибэтиэй Биибилийэ кинигэлэрэ

1 Псалом.

¹ Псалом. Ыллааҥ Айыы Тойоҥҥо саҥа ырыата; сөҕүмэр суоллары Кини оҥордо. Кини уҥа илиитэ, сибэтиэй илиитэ, кыайыыны Киниэхэ аҕалла.

² Айыы Тойон быыһабыллааҕын көрдөрдө, кырдьыгы көрөрүн норуоттарга биллэрдэ.

³ Кини ахтан-санаан кэллэ Израиль дьиэтин бигэтик таптыырын, киниэхэ бэриниилээҕин. Сир бары уһуктара көрдүлэр биһиги Таҥарабыт норуотун быыһыырын.

⁴ Сир үрдэ бүттүүнэ, Айыы Тойону айхаллаа, үөр-көт, өрөгөйдөө, ырыа ыллаа.

⁵ Арфаҕа оонньооҥ Айыы Тойоҥҥо, арфаҕа оонньооҥ, псаломнары ыллааҥ.

⁶ Турбаҕытын, муоскутун эһиги үрүҥ, Айыы Тойон Ыраахтааҕы иннигэр үөрүҥ.

⁷ Ньирилии тыаһаатын байҕал уонна онно баар барыта, ньиргиччи ыллаатын аан дойду уонна онно олорор барыта.

⁸ Ытыстарын таһынныннар өрүстэр; хайалар бииргэ үөрүстүннэр –

⁹ Айыы Тойон иннигэр; Кини сири дьүүллүү кэлэн иһэр. Кини аан дойдуну көнөтүк дьүүллүөҕэ, норуоттары кырдьыгынан көрүөҕэ.