Саалтыр 92 - Сибэтиэй Биибилийэ кинигэлэрэ

¹ Айыы Тойон – Ыраахтааҕы; Кини сүдү килбиэни таҥныбыт; Айыы Тойон сүдү килбиэни таҥныбыт, күүһү-уоҕу курдаммыт, ол иһин сир-халлаан бигэ, тулхадыйыа суоҕа.

² Эн бүрүстүөлүҥ былыр-былыргыттан турар; Эн үйэлэр иннилэриттэн бааргын.

³ Өрүстэр куоластара, Айыы Тойон, өрүстэр куоластара өрө эҥсиллэр, өрүстэр сүүрүктэрэ өрө түллэр.

⁴ Улахан уу ньиргиэрдээх тыаһынааҕар, байҕал балысхан баалынааҕар, үөһэ баар Айыы Тойон ордук күүстээх!

⁵ Эн туоһулуур кырдьыгыҥ бигэттэн бигэ; Эн Дьиэҥ, Айыы Тойон, үйэлэр тухары сибэтиэй.