Саалтыр 86 - Сибэтиэй Биибилийэ кинигэлэрэ

1 Корей уолаттарын псалома. Ырыа.

¹ Корей уолаттарын псалома. Ырыа. Кини олохтообут куората сибэтиэй хайа үрдүгэр турар.

² Айыы Тойон Иерусалимы Иаков хайа да түөлбэтинээҕэр таптыыр.

³ Кэрэхсэбиллээх да суол эн тускунан этиллэр, Таҥара куората! Села

⁴ Миигин билэр норуоттары ааттыырбар Египеттээх Вавилону эмиэ ааттыаҕым; Филистия, Тир, Эфиопия дьоно эмиэ: «Маннык киһи онно төрөөбүтэ», – диэхтэрэ.

⁵ Оттон Сион туһунан этиэхтэрэ: «Ол да, бу да киһи сибэтиэй хайаҕа төрөөбүттэрэ; Үрдүктэн Үрдүк Сиону Бэйэтинэн бөҕөргөппүтэ».

⁶ Айыы Тойон норуоттар биэрэпистэригэр: «Маннык киһи онно төрөөбүтэ», – диэн суруйуоҕа. Села

⁷ Оччоҕо ырыаһыт да, үҥкүүһүт да барыта этиэҕэ: «Эн бааргын биһиэхэ бары үтүө төрдө!»