Саалтыр 81 - Сибэтиэй Биибилийэ кинигэлэрэ

1 Асаф псалома.

¹ Асаф псалома. Таҥара таҥаралар ортолоругар турбута, Кини таҥаралары хоруйга тарпыта:

² «Хаһааҥҥа диэри эһиги кырдьыгы токурутан дьүүллүүгүт, хара дьайдаахтары өрө тутаҕыт? Села

³ Дьадаҥы, тулаайах дьыалатын эһиги быһаарыҥ, баттаммыт-үктэммит, кыһалҕалаах кырдьыгын таһаарыҥ.

⁴ Өрүһүйэр буолуҥ дьадаҥыны, кыһалҕалааҕы, хара дьайдаахтар илиилэриттэн кинилэри былдьаан ылыҥ».

⁵ Тугу да билбэттэр, өйдөөбөттөр бу таҥаралар, хараҥаҕа муна-тэнэ сылдьаллар; сир төрдө барыта тулхадыйбыт.

⁶ «Мин этэбин: „Эһиги – таҥараларгыт, Үрдүктэн Үрдүк уолаттараҕыт – бука барыгыт.

⁷ Ол эрээри, дьон курдук эһиги эмиэ өлүөххүт, хайа да тойон курдук охтуоххут“».

⁸ Оо, тур, Айыы Таҥара, сири дьүүллээ, Эн бары норуоттары бас билэҕин!