Саалтыр 69 - Сибэтиэй Биибилийэ кинигэлэрэ

¹ Хуор салайааччытыгар. Давид псалома. Санатыы.

² Тиэтэй, Айыы Таҥара, миигин өрүһүйэргэ. Тиэтэй, Айыы Тойон, миэхэ көмөҕө кэлэргэ.

³ Саакка-суукка киирэн, сирэйдэрэ кытардын мин тыыммар турунааччылар. Сир-буор сирэйдэнэн, чугуйан бардыннар миэхэ куһаҕаны баҕарааччылар.

⁴ Саатан, кэннилэринэн түстүннэр: «Кэһэй! Кэһэй!» – диэн сэтэрээччилэр.

⁵ Оттон Эйигин көрдөөччү барыта үөрдүн-көттүн, Эйигиттэн кини үрдүк өрөгөйү буллун; Эйиэхэ быыһатыан баҕарааччы өрүүтүн: «Биһиги Таҥарабыт улуу!» – диир буоллун.

⁶ Оттон мин дьадаҥыбын, кыһалҕалаахпын; Айыы Таҥара, тиэтэй миэхэ кэлэргэ! Эн миэхэ көмөлөһөрүҥ, мин Өрүһүйээччим; оо, Айыы Тойон, бытаарыма!