Саалтыр 66 - Сибэтиэй Биибилийэ кинигэлэрэ

¹ Хуор салайааччытыгар. Устурууналаах инструмент доҕуһуолунан. Псалом. Ырыа.

^2-3 Айыы Таҥара, сиргэ Эн суолгун билэллэрин, бары норуоттар Эн быыһыыргын көрөллөрүн туһугар, Эн бигэ тапталыҥ, Эн алгыһыҥ биһигини арыаллыахтын, Эн сирэйиҥ сырдыга биһиэхэ сыдьаайыахтын. Села

⁴ Айхал эттиннэр Эйиэхэ норуоттар, Айыы Таҥара; айхал эттиннэр Эйиэхэ бары норуоттар.

⁵ Омуктар, үөрэ-көтө, өрөгөй ырыатын ыллаатыннар: Эн норуоттары көнөтүк дьүүллүүгүн, сир омуктарын салайаҕын. Села

⁶ Айхал эттиннэр Эйиэхэ норуоттар, Айыы Таҥара, Айхал эттиннэр Эйиэхэ бары норуоттар.

⁷ Сир уйгу-быйаҥын биэрдэ, Таҥара, Айыы Таҥарабыт, биһигини алҕаата.

⁸ Таҥара алгыһа биһиэхэ тосхойо туруохтун; сир уһуга барыта Киниттэн сүгүрүйэ толлуохтун.