Саалтыр 46 - Сибэтиэй Биибилийэ кинигэлэрэ

¹ Хуор салайааччытыгар. Корей уолаттарын псалома.

² Ытыскытын таһыныҥ, норуоттар бука бары, ыллаан дуораһытыҥ Таҥараҕа үөрүүлээх ырыалары.

³ Айыы Тойон, Үрдүктэн Үрдүк, дьулаан даҕаны! Кини бүтүн сир үрдүнэн сүдү Ыраахтааҕы.

⁴ Кини биһиэхэ норуоттары бас бэриннэрбитэ, омуктары атахпыт анныгар самнарбыта.

⁵ Кини биһиэхэ бас билэр өлбүгэ сирбитин, таптыыр Иаковын киэн туттуутун, талан биэрбитэ. Села

⁶ Уруй-айхал ортотугар Таҥара үөһэ таҕыста, турба тыаһын ортотугар Айыы Тойон үөһэ таҕыста.

⁷ Ыллааҥ Айыы Таҥараҕа, ыллааҥ, ыллааҥ Ыраахтааҕыбытыгар, ыллааҥ.

⁸ Айыы Таҥара – сир бүттүүнүн Ыраахтааҕыта; айхал ыллааҥ бары Киниэхэ псалому кытта.

⁹ Таҥара – норуоттары салайар Ыраахтааҕы; Таҥара сибэтиэй бүрүстүөлүгэр олорор.

¹⁰ Омуктар кинээстэрэ түмсэллэр Авраам Таҥаратын норуотугар. Сир күүстээхтэрэ Таҥараҕа бас бэринэллэр; Кини кимнээҕэр да үөһэ турар.