Саалтыр 42 - Сибэтиэй Биибилийэ кинигэлэрэ

¹ Дьүүллээ миигин, Айыы Таҥара, кырдьыкпын таһааран; көмүскээ Таҥараны билиммэт норуоттан, өрүһүй албын-көлдьүн, уодаһыннаах киһиттэн.

² Эн буолбаккыан мин дурда-хахха туттар Таҥарам? Уонна дьэ тоҕо миигин туора анньаҕын? Тоҕо мин, өстөөххө баттатан, харааста сылдьабын?

³ Оо, Бэйэҥ сырдыккын, кырдьыккын миэхэ ыыт; кинилэр миигин сирдээтиннэр, Эн сибэтиэй хайаҕар, Эн олорор сиргэр тиэртиннэр.

⁴ Оччоҕо мин Таҥара сиэртибэнньигэр, дьолум-үөрүүм Таҥаратыгар тиийиэҕим, арфаны дьүрүһүтэн, Эйигин айхаллыаҕым, Айыы Таҥара, мин Таҥарам.

⁵ Тоҕо санньыйаҕын, дууһам миэнэ? Тоҕо айманаҕын? Таҥараҕа эн эрэн; мин өссө да Кинини айхаллыаҕым, Быыһааччыбын, Таҥарабын.