Саалтыр 14 - Сибэтиэй Биибилийэ кинигэлэрэ

1 Давид псалома.

¹ Давид псалома. Айыы Тойон, ким олорор кыахтааҕый Эн ытык Отуугар? Ким олохсуйар кыахтааҕый Эн сибэтиэй хайаҕар?

² Эҥкилэ суох көнө суоллаах, кырдьыгы тутуһар, дьиҥи эрэ ис сүрэҕиттэн этэр,

³ кими да баһааҕырдан саҥарбат, доҕотторугар куһаҕаны оҥорбот, ыалын утары хобу-сиби ылыммат киһи;

⁴ Таҥараны кэлэппиттэри кэлэйэ көрөр, Айыы Тойонтон куттанааччылары өрө тутар, андаҕарын, ыараханын да иһин, кэспэт,

⁵ харчытын бырыһыаҥҥа иэс биэрбэт, буруйа суоҕу холуннарарга бэрик ылбат киһи. Маннык быһыылаах киһи хаһан да тулхадыйыа суоҕа.