Саалтыр 13 - Сибэтиэй Биибилийэ кинигэлэрэ

1 Хуор салайааччытыгар. Давид псалома.

¹ Хуор салайааччытыгар. Давид псалома. Өйө суохтар истэригэр «Таҥара суох» дии саныыллар; бары сатарыйбыттар, сидьиҥник быһыыланаллар; үтүөнү оҥорор киһи ким да суох.

² Биир эмэ өйдөөҕү-төйдөөҕү, Таҥараны көрдөөччүнү булан көрөөрү, Айыы Тойон халлаантан киһи аймаҕы анаарар.

³ Бары суолтан туораабыттар, бары туһаларыттан тахсыбыттар; үтүөнү оҥорор киһи суох, биир да суох.

⁴ Ама өйдөнүөхтэрэ суоҕа дуо буруйу оҥорооччулар, мин норуоппун килиэптии мэҥиэстээччилэр, Айыы Тойону ыҥыран көрбөт дьон бука бары?

⁵ Таҥара көнө дьону кытта сылдьарын иһин, кинилэр онно улуу кутталга ылларыахтара.

⁶ Эһиги дьадаҥы эрэлин күлэҕит эрээри, кинини Айыы Тойон көмүскүүр.

⁷ Оо, Сионтан Израильга быыһабыл кэлэрэ буоллар! Айыы Тойон норуотун билиэнтэн төнүннэрдэҕинэ, Иаков үөрүөҕэ-көтүөҕэ, Израиль өрөгөйө үрдүөҕэ.