Саалтыр 129 - Сибэтиэй Биибилийэ кинигэлэрэ

1 Дабайыы ырыата.

¹ Дабайыы ырыата. Муҥур уһук дириҥ түгэҕиттэн Эйигин ыҥырабын, Айыы Тойон.

² Оо, Айыы Тойон, иһит мин саҥабын, болҕой мин ааттаһарбын.

³ Айыы Тойон, Эн буруйу-сэмэни бэлиэтээн истэххинэ, ким ону тулуйуой, Айыы Тойон?

⁴ Ол эрэн, Эйигин дириҥник ытыктыылларын туһугар, Эн буруйу бырастыы гынаҕын.

⁵ Айыы Тойону мин кэтэһэбин, дууһам Кинини кэтэһэр, Кини тылыгар мин эрэнэбин;

⁶ харабыл сарсыарданы күүтэринээҕэр, харабыл халлаан сырдыырын кэтэһэринээҕэр, мин дууһам Айыы Тойону ордук кэтэһэр.

⁷ Израиль, Айыы Тойоҥҥо эн эрэн; Айыы Тойон бигэ тапталлаах, Кини эйигин толуйар улуу кыахтаах.

⁸ Кини Израилы толуйан ылыаҕа, бары аньыытыттан-буруйуттан быыһыаҕа.