Саалтыр 128 - Сибэтиэй Биибилийэ кинигэлэрэ

1 Дабайыы ырыата.

¹ Дабайыы ырыата. «Эдэр сааспыттан элбэхтик самнара сатаабыттара, – диэтин Израиль, –

² эдэр сааспыттан элбэхтик самнара сатаабыттара да, иннибин кыайан ылбатахтара.

³ Сир хорутааччылара уорҕабын хоруталлара; сиспэр сухаларын уһун суолун хааллараллара».

⁴ Ол эрэн Айыы Тойон кырдьыктаах; Кини хара дьайдаахтар кэлгийбиттэрин быһа дайбаабыта.

⁵ Сиону абааһы көрөөччүлэр, сирэйдэрэ саатан, бука бары төттөрү чугуйдуннар;

⁶ туура тардыллыан инниттэн куура хатар хоруобуйа отун курдук буоллуннар.

⁷ Оннук оту бурдук быһааччы таарыйа да барбат, оннук оту бурдук баайааччы хонноҕор уктубат.

⁸ Ааһан иһэн, ким да кинилэргэ этиэ суоҕа: «Айыы Тойон алгыһа эһиэхэ тиийиэхтин, Айыы Тойон аатынан эһигини алгыыбыт!» – диэ суоҕа.