Саалтыр 126 - Сибэтиэй Биибилийэ кинигэлэрэ

1 Дабайыы ырыата. Соломон псалома.

¹ Дабайыы ырыата. Соломон псалома. Айыы Тойон дьиэни тутуспат буоллаҕына, тутааччылар ону дьүгээр туталлар. Айыы Тойон куораты харыстаабат буоллаҕына, харабыллар ону халтайга манаан тураллар.

² Халтайга эһиги эрдэ тураҕыт, хойукка диэри олороҕут, хараастан олорон аһыыгыт; Кини таптыыр киһитигэр утуйар ууну биэрэр.

³ Оҕо – Айыы Тойон аныыр бэлэҕэ; оҕо – Кини биэрэр наҕараадата.

⁴ Сэрииһит тутан турар оноҕосторо – аҕа эдэр сааһыгар төрөппүт уолаттара.

⁵ Ким саадаҕар толору оноҕостоох, ол дьоллоох. Куорат ааныгар утарсааччыларын кытта кэпсэтэригэр, кини кыбыстыыга киириэ суоҕа.