Саалтыр 125 - Сибэтиэй Биибилийэ кинигэлэрэ

1 Дабайыы ырыата.

¹ Дабайыы ырыата. Айыы Тойон билиэнтэн Сиоҥҥа төнүннэрэригэр, биһиги түһээн сылдьарга дылы этибит.

² Ол саҕана күлэн-үөрэн эрэ тахсарбыт, уруй-айхал ырыаларын ыллыырбыт; ол саҕана атын норуоттар этэллэрэ: «Улуу да үтүөнү Айыы Тойон кинилэргэ оҥордо!»

³ Улуу үтүөнү Айыы Тойон биһиэхэ оҥорбута, биһиги үөрбүппүт-көппүппүт.

⁴ Негев уолбут үрэхтэрин ардах уутунан толороруҥ курдук, Айыы Тойон, билиэн барбыт дьоммутун төнүннэр.

⁵ Харах уулаах сылдьан сиэмэтин ыспыттар, үөрэ-көтө бурдуктарын быһыахтара.

⁶ Ытыы-ытыы сиэмэ тутан испиттэр, ыллыы-туойа, түүтэхтэрин кууһан төннүөхтэрэ.