Саалтыр 124 - Сибэтиэй Биибилийэ кинигэлэрэ

1 Дабайыы ырыата.

¹ Дабайыы ырыата. Айыы Тойоҥҥо эрэнэр киһи Сион хайаҕа холоонноох, кини хаһан да тулхадыйбат, үйэлэр тухары олорор.

² Иерусалимы хайалар хаххалыылларыныы, аны мантан ыла үйэлэр тухары Айыы Тойон норуотун хаххалыыр.

³ Көнө дьон буруйу оҥорорго күһэллибэттэрин туһугар, кинилэр өлбүгэ сирдэрин Кини нэгэйдэргэ өрүү бас биллэриэ суоҕа.

⁴ Үтүөнү оҥор, Айыы Тойон, үтүө сүрэхтээхтэргэ, көнө өйдөөхтөргө;

⁵ оттон бэйэлэрин токур суолларыгар туорааччылары Айыы Тойон хара дьайдаахтардыын биир дьылҕалыаҕа. Израильга эйэ чэчирээтин!