Саалтыр 123 - Сибэтиэй Биибилийэ кинигэлэрэ

1 Дабайыы ырыата. Давид псалома.

¹ Дабайыы ырыата. Давид псалома. Айыы Тойон биһигинниин буолбатаҕа буоллар, – диэтин Израиль, –

² Айыы Тойон биһигинниин буолбатаҕа буоллар, өстөөхтөрбүт утары турбут кэмнэригэр,

³ уордара-кылыннара хойдубут күннэригэр биһигини тыыннаахтыы ыйыстыбыт буолуо этилэр;

⁴ халаан уута биһигини саба халыйан, барылҕан үрдүбүтүнэн баран,

⁵ дохсун уу биһиги дууһабытын самнаран ааспыт буолуо этэ.

⁶ Алгыс буоллун Айыы Тойоҥҥо анаҕастаахтар айахтарыгар биһигини биэрбэтэҕин иһин!

⁷ Биһиги чыычаах курдук, бултаһааччы доҕууруттан төлө көттүбүт; доҕуур быһа баран, өрүһүннүбүт.

⁸ Сири-халлааны айбыт Айыы Тойон аата биһигини абыраата.