Саалтыр 122 - Сибэтиэй Биибилийэ кинигэлэрэ

1 Дабайыы ырыата.

¹ Дабайыы ырыата. Эн диэки үөһэ көрөбүн, халлааннарга Олорооччу!

² Кулуттар харахтара тойотторун илиилэриттэн, кулут дьахтар хараҕа хотунун илиититтэн арахпатын курдук, биһиги харахпыт эмиэ, хаһан биһигини аһынарын кэтэһэн, Айыы Тойон Таҥарабытыттан арахпат.

³ Абыраа биһигини, Айыы Тойон, абыраа биһигини, сөбүн биһиги сэнэбилгэ олордубут;

⁴ сөбүн биһиги үтүөмсүктэр үөҕүүлэрин, бэрдимсиктэр батталларын тулуйдубут.