Саалтыр 120 - Сибэтиэй Биибилийэ кинигэлэрэ

1 Дабайыы ырыата.

¹ Дабайыы ырыата. Хайалар диэки үөһэ көрөбүн – хантан эрэ миэхэ көмө кэлэр?

² Сири-халлааны айбыт Айыы Тойонтон миэхэ көмө кэлиэҕэ.

³ Халбаҥнаттарыа суоҕа Кини эн атаххын, эйигин араҥаччылааччы утуйан хаалыа суоҕа.

⁴ Нуктаабат да, утуйбат да Израиль Араҥаччыта.

⁵ Айыы Тойон эйигин харыстыыр, Айыы Тойон уҥа өттүгүттэн хаххалыыр.

⁶ Күнүһүн күн уота эйигин охсуо суоҕа, түүнүн ый сырдыга эйиэхэ дьайыа суоҕа.

⁷ Айыы Тойон эйигин бары дьайтан харыстыаҕа, Кини эн олоххун харыстыаҕа.

⁸ Аны мантан инньэ үйэлэр тухары кэлэр-барар суолгар барытыгар Айыы Тойон эйигин араҥаччылыаҕа.