Саалтыр 12 - Сибэтиэй Биибилийэ кинигэлэрэ

¹ Хуор салайааччытыгар. Давид псалома.

² Хаһааҥҥа диэри, Айыы Тойон? Букатын умуннуоҥ Эн миигин? Хаһааҥҥа диэри миигиттэн сирэйгин кистиигин?

³ Хаһааҥҥа диэри мин, дууһабар араас сүбэни бэрийэн, күннэри-түүннэри сүрэхпин кутурҕаҥҥа эмтэрэбин? Хаһааҥҥа диэри өстөөҕүм үрдүбэр үҥкүүлүүр?

⁴ Көр-иһит миигин, Айыы Тойон Таҥарам! Өлөр уубар утутума – көрөр харахпын сырдат;

⁵ иннин ыллым ээ диэн, өстөөҕүм миигин сэтэрээбэтин, бүдүрүйэрбин көрөн, өһөгөйдөөҕүм китиэркээбэтин.

⁶ Эн бигэ тапталгар мин эрэнним; сүрэҕим, Эйиэхэ өрүһүйтэрэн, үөрүөҕэ. Миэхэ үтүөнү оҥорбутун иһин, мин Айыы Тойоҥҥо ыллыаҕым.