Саалтыр 109 - Сибэтиэй Биибилийэ кинигэлэрэ

1 Давид псалома.

¹ Давид псалома. Айыы Тойон мин Тойоммор эппитэ: «Өстөөхтөргүн, үктэл оҥостон олорор гына, Эйиэхэ самнаран биэриэхпэр диэри, Мин уҥа өттүбэр олор».

² Айыы Тойон улуу былааһы эйиэхэ биэриэҕэ Сион тас да өттүгэр. Баһылык буол өстөөхтөрүҥ ортолоругар.

³ Эн күүскүн көрдөрөр күҥҥэр норуотуҥ бэлэм буолла сибэтиэй килбиэн күөнүгэр. Сарсыарда иһиттэн сиик түһэрин курдук Эн төрөөбүтүҥ.

⁴ Айыы Тойон андаҕайан эппитэ, Кини ону кэмсиниэ суоҕа: «Эн Мелхиседек чыынынан үйэлэр тухары Таҥара үлэһитэҕин».

⁵ Айыы Тойон Эн уҥа өттүгэр сылдьар; Кини уордайар күнүгэр ыраахтааҕылары самнарыа.

⁶ Норуоттары дьүүлгэ туруоран, кыргыс толоонун өлүгүнэн толоруо, киэҥ сир баһылыктарын сууһарыа.

⁷ Кини, айаннаан иһэн, үрүйэ уутуттан иһиэҕэ, онон төбөтүн өрө көтөҕүөҕэ.