Саалтыр 100 - Сибэтиэй Биибилийэ кинигэлэрэ

1 Давид псалома.

¹ Давид псалома. Аһыныгас санааны, көнө дьүүлү мин ыллыам; Эйиэхэ, Айыы Тойон, мин ыллыам.

² Эҥкилэ суох көнө суолу эрэ саныам. Оо, хаһан Эн миэхэ кэлэҕин? Мин ыраас сүрэхтээх сылдьыаҕым дьиэм-уотум иһигэр;

³ туһата суоҕу ууруом суоҕа хараҕым далыгар. Буруйу-сэмэни оҥорору абааһы көрөбүн; онно мин кыттыһыам суоҕа.

⁴ Содур санаалааҕы киэр кыйдыаҕым, куһаҕаны ончу билиэм суоҕа.

⁵ Чугастааҕытын кистээн холуннарааччыны мин суох оҥоруоҕум; улахамсыйа, бэрдимсийэ туттааччыны тулуйа барыам суоҕа.

⁶ Сирим итэҕэллээх дьонун мин көрүөҕүм, кинилэр миигинниин бииргэ олоруохтара; эҥкилэ суох көнө суоллаахтар эрэ миэхэ үлэлиир буолуохтара.

⁷ Уодаһыннаахтык быһыыланааччы мин дьиэбэр олоруо суоҕа; сымыйаны саҥарааччы икки харахпар көстүө суоҕа.

⁸ Сарсыарда эрдэттэн мин кыдыйтыаҕым сирим бары хара дьайдаахтарын – Айыы Тойон куоратыттан түөрэн ылыаҕым куһаҕаны оҥорооччулары бука барыларын.