Саалтыр 10 - Сибэтиэй Биибилийэ кинигэлэрэ

1 Хуор салайааччытыгар. Давид псалома.

¹ Хуор салайааччытыгар. Давид псалома. Айыы Тойоҥҥо мин эрэнэбин; хайдах эһиги миэхэ этэҕитий: «Чыычаах буолан, хайаҕар көтөн хаал, – диэн, –

² көр, ол хара дьайдаахтар, ох сааларын аҥаабыллаан, оноҕосторун сааларын кирсигэр ыга тутан, көнө сүрэхтээхтэри хараҥаҕа ытардыы оҥостоллор.

³ Туох барыта төрдүттэн сатарыйбыт буоллаҕына, көнө киһи тугу гыныаҕай?»

⁴ Айыы Тойон сибэтиэй Храмыгар баар; Айыы Тойон бүрүстүөлэ халлааҥҥа турар. Кини хараҕа барытын араарар, Кини киһи аймаҕы чинчилии анаарар.

⁵ Айыы Тойон көнө киһини тургутар, оттон мөкүнү, күөмчүһүтү Кини дууһата абааһы көрөр.

⁶ Кини нэгэйдэргэ уоттаах чоҕу, сиэрэни ардахтыы кутуоҕа, кинилэр ирээттэринэн кураан тыал буолуоҕа.

⁷ Айыы Тойон кырдьыктаах, онон кырдьыгы таптыыр; көнө киһини Кини көрөр.