Pakɔsje 124 - Maktub gə́ To gə Kəmee

Njekaji Israɛlje lé

1 Pakɔs kḭ kaw tuga ne loo ɗao-ɗao gə́ tar. Ka̰ Dabid.

¹ Pakɔs kḭ kaw tuga ne loo ɗao-ɗao gə́ tar. Ka̰ Dabid. Ɓó lé Njesigənea̰ aḭ bada dɔ sí’g el ndá Maji kar Israɛlje pa bèe pana:

² Ɓó lé Njesigənea̰ aḭ bada dɔ sí’g Loo gə́ dəwje gə́ d’ḭ d’ɔm na̰ dɔ sí’g lé el ndá

³ Deḛ tur sí kəmba mba̰ Loo gə́ oŋg ḭ sə dee pu dɔ sí’g lé.

⁴ Yee ɓa manje d’ḭ tula dɔ sí rəd mba̰ ləm, Kəm-rəw-manje lé kara tur dɔ sí mba̰ ya ləma

⁵ Yee ɓa mán bélmje gə́ turu tuma̰-tuma̰ lé kara Tur dɔ sí mba̰ ya ləm tɔ.

⁶ Maji kar dɔkaisəgərə nai gə Njesigənea̰, Yeḛ gə́ ya̰ sí gə́ nékwa ŋgaŋ dee el lé.

⁷ Ŋgaw meḛ sí teḛ aḭ asəna gə yel gə́ teḛ kəm jám’g lə njékwayelje bèe ləm, Jám lé kara gaŋg ar sí n’teḛ j’aḭje ne ya ləm tɔ.

⁸ Ri Njesigənea̰ gə́ njera dara gə naŋg neelé Yee ɓa né la sə sí ḭ keneŋ ya.