زبور 82 - Sindhi Bible

¹ خدا جي جماعت ۾ خدا موجود آهي، هو معبودن جو انصاف ٿو ڪري.

² اوهين ڪيستائين بي انصافي ڪندا، ۽ بڇڙن جي پاسخاطري ڪندا؟

³ غريبن ۽ يتيمن جو انصاف ڪريو: ڏکويلن ۽ لاچارن کي سندن حق ڏياريو.

⁴ مسڪينن ۽ محتاجن کي ڇڏايو، بلڪ بڇڙن جي هٿان آزاد ڪرايو.

⁵ هو نہ ڪجهہ ڄاڻن ٿا ۽ نہ سمجهن ٿا؛ ۽ اونداهيءَ ۾ هيڏانهن هوڏانهن پيا گهمن: زمين جون سڀ پيڙهيون پيون ڌڏن.

⁶ مون چيو تہ اوهين خدا آهيو، اوهين سڀيئي خدا تعاليٰ جا فرزند آهيو.

⁷ تڏهن بہ اوهين ماڻهن وانگي مرندا، ۽ سردارن مان هڪڙي وانگي ڪري پوندا.

⁸ اي خدا تون اُٿي زمين جي عدالت ڪر: ڇو جو سڀ قومون تنهنجي ميراث ٿينديون.