زبور 54 - Sindhi Bible

¹ اي خدا پنهنجي نالي جي وسيلي مون کي بچاءِ، ۽ پنهنجيءَ قدرت سان منهنجو انصاف ڪر.

² اي خدا منهنجي دعا ٻڌ، ۽ منهنجي وات جي لفظن ڏانهن ڪن ڏي.

³ ڇالاءِ جو پرديسي منهنجي برخلاف کڙا ٿيا آهن، ۽ غضبناڪ ماڻهو منهنجي جان جي پٺيان پيا آهن: اُنهن خدا کي پنهنجي سامهون نہ رکيو آهي.

⁴ ڏسو خدا منهنجو مددگار آهي: خداوند انهن مان آهي جي منهنجي ساهہ جا سنڀاليندڙ آهن.

⁵ هو منهنجن دشمنن کي سندن بڇڙائي جو بدلو ڏيندو: تون پنهنجي سچائيءَ موجب اُنهن کي برباد ڪر.

⁶ اي خداوند آءٌ تنهنجي حضور ۾ خوشيءَ جي قرباني چاڙهيندس: آءٌ تنهنجي نالي جي شڪر گذاري ڪندس، ڇو جو اهو چڱو آهي.

⁷ ڇالاءِ جو هن مون کي سڀني ڏکن کان ڇڏايو آهي؛ ۽ منهنجين اکين منهنجيءَ خواهش موجب پنهنجي دشمنن جو حال ڏٺو آهي.