زبور 150 - Sindhi Bible

¹ اوهين خداوند جي تعريف ڪريو، خدا جي پاڪ مڪان ۾ سندس تعريف ڪريو، هن جي قدرت جي آسمان ۾ سندس تعريف ڪريو.

² هن جي قدرت وارن ڪمن ڪري سندس تعريف ڪريو: هن جي وڏيءَ عظمت موجب سندس تعريف ڪريو.

³ تريءَ جي آواز سان سندس تعريف ڪريو: تنبوري ۽ بربط سان سندس تعريف ڪريو.

⁴ دف ۽ ناچ سان سندس تعريف ڪريو: تار وارن سازن ۽ توتاريءَ سان سندس تعريف ڪريو.

⁵ جهانجهہ وڄائي سندس تعريف ڪريو: وڏي آواز جهانجهہ وڄائي سندس تعريف ڪريو.

⁶ ڀلي تہ سڀڪو ساهہ وارو خداوند جي تعريف ڪري. اوهين خداوند جي تعريف ڪريو.