زبور 148 - Sindhi Bible

¹ اوهين خداوند جي تعريف ڪريو، آسمانن مان خداوند جي تعريف ڪريو: مٿانهين جاين تان سندس تعريف ڪريو.

² هن جا سڀ فرشتا، اوهين سندس تعريف ڪريو: هن جا سڀ لشڪر، اوهين سندس تعريف ڪريو.

³ سج ۽ چنڊ، اوهين سندس تعريف ڪريو: سڀيئي چمڪندڙ تارا، اوهين سندس تعريف ڪريو.

⁴ آسمانن جا آسمان، اوهين سندس تعريف ڪريو، ۽ پاڻي بہ جي آسمان جي مٿان آهيو، اوهين سندس تعريف ڪريو.

⁵ ڀلي تہ اهي خداوند جي نالي جي تعريف ڪن: ڇو جو هن حڪم ڏنو ۽ اهي پيدا ٿيا.

⁶ هن انهن کي هميشہ جي لاءِ قائم ڪيو آهي: هن هڪڙو قانون جاري ڪيو جو ڪڏهن زمين تان مٽجڻ جو نہ آهي.

⁷ سڀيئي واگهو، ۽ سمنڊ، اوهين خداوند جي تعريف ڪريو.

⁸ باهہ ۽ ڳڙا، برف ۽ بخارا؛ ۽ واچوڙا جي هن جي ڪلام تي عمل ٿا ڪريو؛

⁹ سڀ جبل ۽ ٽڪريون؛ سڀ ميويدار ۽ سرو جا وڻ:

¹⁰ سڀ مرون ۽ ڍور؛ سرندڙ شيون ۽ اُڏامندڙ پکي:

¹¹ زمين جا بادشاهہ ۽ سڀيئي اُمتون: زمين جا سڀيئي سردار ۽ منصف:

¹² جوان مرد ۽ ڪنواريون ڇوڪريون: پير مرد توڙي ننڍڙا ٻار:

¹³ ڀلي تہ اهي خداوند جي نالي جي تعريف ڪن؛ ڇالاءِ جو فقط هن جو ئي نالو سرفراز آهي: هن جو جلال آسمان ۽ زمين کان بہ مٿي عظيم آهي.

¹⁴ هن پنهنجن سڀني مقدسن، يعني پنهنجي ويجهي اُمت بني اسرائيل جي وڏائيءَ جي لاءِ سندن سڱ مٿي ڪيو آهي. اوهين خداوند جي تعريف ڪريو.