زبور 128 - Sindhi Bible

¹ مبارڪ آهي اهو جو خداوند کان ڊڄي ٿو ۽ سندس واٽن تي ٿو هلي.

² تون پنهنجي هٿن جي ڪمائي کائيندين؛ تون سکي رهندين، ۽ تنهنجو ڀلو ٿيندو.

³ تنهنجي زال تنهنجي گهر جي اندر ميويدار ڊاک وانگي ٿيندي: تنهنجا ٻار تنهنجي دسترخاني جي چوڌاري زيتون جي وڻن جهڙا ٿيندا.

⁴ ڏسو، جو ماڻهو خداوند کان ڊڄي ٿو سو انهيءَ طرح مبارڪ ٿيندو.

⁵ خداوند توکي صيون منجهان برڪت ڏيندو: ۽ تون پنهنجي سڄي ڄمار يروشلم جي ڀلائي ڏسندين.

⁶ هائو تون پنهنجي ٻارن جا ٻار ڏسندين. اسرائيل تي سلامتي هجي.