1.تواريخ 25 - Sindhi Bible

¹ انهيءَ کانسواءِ دائود ۽ لشڪرن جي سردارن آسف ۽ هيمان ۽ يدوتون جي پٽن مان ڪن کي خدمت لاءِ ڌار ڪيو، تہ هو بربطن ۽ تنبورن ۽ جهانجهن سان نبوت ڪن: ۽ انهن جو شمار جن انهيءَ ڪم ۾ خدمت ٿي ڪئي:

² بني آسف مان، زڪور، ۽ يوسف، ۽ نتنياہ، ۽ اسري لاہ، آسف جا پٽ، آسف جي هٿ هيٺ هئا، جو بادشاهہ جي حڪم موجب نبوت ڪندو هو.

³ يدوتون مان: جدلياہ، ۽ ضري، ۽ يسعياہ، حسبياہ، ۽ متتياہ. اهي ڇهہ؛ يدوتون جا پٽ پنهنجي پيءُ يدوتون جي هٿ هيٺ بربط وڄائيندا هئا، جو خداوند جي شڪر ۽ تعريف سان نبوت ڪندو هو.

⁴ هيمان مان، بقياہ، متنياہ، عزي ايل، سبوايل، يريموت، حنانياہ، حناني، الياتہ، جدالتي، روممتي عزر، يسبقاشہ، ملوتي، هوتير ۽ محازيوت؛ جي هيمان جا پٽ هئا؛

⁵ بادشاهہ جي غيب دان هيمان، جو خداوند جي ڪلام لاءِ هو، تنهن جا اهي سڀ پٽ هئا، جي ناد وڄائيندا هئا. ۽ خداوند هيمان کي چوڏهن پٽ ۽ ٽي ڌيئرون ڏنيون.

⁶ اهي سڀ پنهنجي پيءُ جي هٿ هيٺ خداوند جي گهر ۾ عبادت لاءِ جهانجهن ۽ تنبورن ۽ بربطن سان راڳ ڳائيندا هئا؛ يعني آسف، يدوتون ۽ هيمان بادشاهہ جي حڪم هيٺ هئا.

⁷ ۽ انهن جو شمار ٻہ سؤ اٺاويهہ هو، جي خداوند جي لاءِ ڳائڻ واسطي سيکاريل ۽ ماهر هئا.

⁸ ۽ انهن مان ننڍن توڙي وڏن، استاد توڙي شاگرد، سڀني پنهنجي پنهنجي خدمت لاءِ هڪڙي ئي نموني ڪڻا وڌا.

⁹ هاڻي پهريون ڪڻو آسف لاءِ يوسف جو آيو: ٻيو جدلياہ لاءِ هو، ۽ سندس پٽ ۽ ڀائر ٻارهن هئا:

¹⁰ ٽيون زڪور لاءِ، سندس پٽ ۽ ڀائر ٻارهن هئا.

¹¹ چوٿون يضريءَ لاءِ، سندس پٽ ۽ ڀائر ٻارهن هئا.

¹² پنجون نتنياہ لاءِ، سندس پٽ ۽ ڀائر ٻارهن هئا.

¹³ ڇهون بقياہ لاءِ، سندس پٽ ۽ ڀائر ٻارهن هئا.

¹⁴ ستون يسري لاہ لاءِ، سندس پٽ ۽ ڀائر ٻارهن هئا.

¹⁵ اٺون يسعياہ لاءِ، سندس پٽ ۽ ڀائر ٻارهن هئا.

¹⁶ نائون متنياہ لاءِ، سندس پٽ ۽ ڀائر ٻارهن هئا.

¹⁷ ڏهون سمعيءَ لاءِ، سندس پٽ ۽ ڀائر ٻارهن هئا.

¹⁸ يارهون عزرايل لاءِ، سندس پٽ ۽ ڀائر ٻارهن هئا.

¹⁹ ٻارهون حسبياہ لاءِ، سندس پٽ ۽ ڀائر ٻارهن هئا.

²⁰ تيرهون سبوايل لاءِ، سندس پٽ ۽ ڀائر ٻارهن هئا.

²¹ چوڏهون متتياہ لاءِ، سندس پٽ ۽ ڀائر ٻارهن هئا.

²² پندرهون يريموت لاءِ، سندس پٽ ۽ ڀائر ٻارهن هئا.

²³ سورهون حنانياہ لاءِ، سندس پٽ ۽ ڀائر ٻارهن هئا.

²⁴ سترهون يسبقاشہ لاءِ، سندس پٽ ۽ ڀائر ٻارهن هئا.

²⁵ ارڙهون حنانيءَ لاءِ، سندس پٽ ۽ ڀائر ٻارهن هئا.

²⁶ اوڻيهون ملوتيءَ لاءِ، سندس پٽ ۽ ڀائر ٻارهن هئا.

²⁷ ويهون الياتہ لاءِ، سندس پٽ ۽ ڀائر ٻارهن هئا.

²⁸ ايڪيهون هوتير لاءِ، سندس پٽ ۽ ڀائر ٻارهن هئا.

²⁹ ٻاويهون جدالتيءَ لاءِ، سندس پٽ ۽ ڀائر ٻارهن هئا.

³⁰ ٽيويهون محازيوت لاءِ، سندس پٽ ۽ ڀائر ٻارهن هئا.

³¹ چوويهون روممتي عزر لاءِ، سندس پٽ ۽ ڀائر ٻارهن هئا.