Mbolunoto 6 - Samburu

Eitayia Lkuo leker sarmag

¹ Nadol Lkuo leker eitai sarmag ekue taa nana ng'ojitin sapa naagama e inia buku, naning nabo ee nenia tokitin ong'uan naaichu naatuwuana ng'uesi ejo to ltoilo otuwuana le nkukurrukurroto, <>

² Naa ng'ura, nadol mbarta naibor. Kore ilo otii nkeper areu, neata nkawuo neichooki nkopiyia e nkitoo. Neipung alo aisul ta larrabal, nemir lmang'ati lenyena.

³ Kore payie eitai Lkuo leker sarmag e are, naning inia toki naichu e are ejo, <>

⁴ Neitoki mbarta nanyiekie aliooi. Neichori ilo oreuta lalem sapuk o ngolon meitala nkop seriani. Nejing'u larrabal nkop, nemut ltung'ana lkulie.

⁵ Kore payie eitai Lkuo leker sarmag e uni, naning inia toki naichu e uni ejo, <> Neitoki mbarta narok aliooi, naa kore ilo oreuta neibung'uta rrantili ta nkaina.

⁶ Naning ntoki natuwuana ltoilo eing'uaa atua nenia tokitin ong'uan naaichu naatuwuana ng'uesi ejo, <>

⁷ Kore aitoki payie eitai Lkuo leker sarmag e ong'uan, naning inia toki naichu e ong'uan ejo, <>

⁸ Neliooi mbarta sumatia nanyori, kore ilo oreuta naa keji Lkiye, neirukurukore ꞉Nemeneng'a. Neichori pukura ngolon payie emut ta lalem o te rriai o te nkeeya o tee ng'uesi e soro orati nabo to ong'uan e nkop.

⁹ Kore payie eitai Lkuo leker sarmag e imiet, nadol taabori lperere la lasar ltauja loo lolo pooki oaataraki apa metuata tankaraki rerei le Nkai o sipata naata e Kristo.

¹⁰ Nebuak to ltoilo kitok ejo, <>

¹¹ Neichori pooki nkilani naaibor, nejokini meeyeng'iyeng'ata te nkiti kata ana meiputakinoto lkulie asiaayiak le Yeso, lalachera o nkanachera naari metuata ana ninche.

¹² Kore payie eitai Lkuo leker sarmag e ile, nadol nkikirikiroto kitok oleng e nkop. Neroku ndama ana lkila orok, kore wong'an e lapa nedoru ana lodo.

¹³ Nedou lakir te nkeper e nkai aadoki nkop ana neiko lng'anayio leitu eku la lng'aboli tenerrarrarri teneipirripir ꞉siwuo.

¹⁴ Kore nkeper e nkai, nepiyayi ana lchoni, nedotuni ldonyuo o lkuran pooki too ng'ojitin enche.

¹⁵ Kore lkinkii pooki le nkop o larikok o lkutuaa loo lkiyai o lparakuo o lkutuaa oogol o rrindiki pooki o lamara rrindiki, nenyok aaisudori taa nkapunia o too soito ee ldonyuo.

¹⁶ Neipotu ldonyuo o soito ejo, <

¹⁷ Amu etabawua mparri narrich nkiguana enche, naa ng'ae sa oidim ating'iria!>>