Mbolunoto 10 - Samburu

Lmalaika oata nkini buku

¹ Naitoki adol likae lmalaika kitok edou eing'uaa chumata eimulumulakino ꞉nkidis ana nanka, netii siomo nkue enye. Neilu nkomom enye ana ndama, netuwuana nkejek enyena ana lng'opeta ooilu ana nkima.

² Neibung'uta ta nkaina enye nkini buku nabolo, kore te nkeju enye e tetene neidach mpaso, neidach tene kidienye nkop.

³ Nebuak to ltoilo kitok otuwuana nkupurroto e lng'atuny. Kore payie ebuak, neiro ꞉ndarat sapa too ltoilochi lenche.

⁴ Naa kore payie eiro nenia ꞉darat sapa, najo aiger inia natining'o, naajoki ltoilo oing'uaa chumata, <>

⁵ Neiliepie laduo malaika oitache ta mpaso o to nkop nkaina enye e tetene aing'urie chumata.

⁶ Neitai lekutuk ta nkarna e Nkai, inia Ai naichu ntarasi o ntarasi, naitibira chumata o nkop o mpaso o ntoki pooki natii atua ninche nejo, <

⁷ Kore payie ebau nkata nakut lmalaika le sapa mowuo, neitabaya Nkai inia kipirte enye apa naisudoro, ana natilika apake laisiaayiak oibonok lenyena.>>

⁸ Naaitoki ilo toilo oing'uaa chumata airorie ajoki, <>

⁹ Nalo netii ilo malaika, najoki maichoo inia kini buku. Nejo, <>

¹⁰ Naya inia buku ta nkaina e ilo malaika, nanya. Kore to nkutuk ai, neaku kemelok ana naicho ee lotoro, kake kore payie aijoo neduaru te nkocheke ai.

¹¹ Naajokini, <>