Marko 6 - Samburu

Etanyaki Yeso te lkerenket lenche oji Nasaret

¹ Neipung Yeso aing'uaa inie, nelo lkerenket lenche, neirukurukore looiteng'eni lenyena.

² Kore pee ebaki mparri e Sabato, neng'asu aiteng'enicho taatua Sinagogi. Neinining ninye ltung'ana kumo, neing'asia nejo, <

³ Amaa, mara ilo aitibirani loo ntokitin ee nkeek ele, layieni le Maria nera sii lalache Yakobo o Yosep o Yuda o Simon? Metii dei nkanachera enyena atua iyioo?>> Negorokino ꞉ninche ninye.

⁴ Nejoki Yeso ninche, <>

⁵ Naaku eitu eidim ninye ataasa hooyia mbaa e nking'asia teinie, mara ake lolo kuti tamoyia ooiteleka nkaik, neichiu ninche.

⁶ Neing'asia tankaraki meata ninche nkurukoto. Nemanaa Yeso taatua nkang'ite eiteng'enicho.

Eitanapa ꞉Yeso neirruaaya loochi tomon oare

⁷ Neipotu loochi ooiteng'eni lenyena tomon o oare, neng'asu airruaya ninche maa are are, neicho ninche nkitoria meitoria lairiruani.

⁸ Neitanap payie, menap hoo ntoki to nkoitiei mara ake sobua, nemenap ndaa, anaa mbene anaa sii ropiyiani tee mbenia ee nkimeenteni enche.

⁹ Kake payie eichop namuka, nemeichop nankan maare.

¹⁰ Neitoki sii ajoki, <

¹¹ Naa kore teneatae ng'oji nemeitoomonieki tanaa nemening'ieki ntae, kore impung'utoto te inie, empiripiroi nterit ee nkejek inchi, metaa nkitodolunoto tee ninche.>>

¹² Nepuo aaing'uaa inie aaliki ltung'ana metung'ai nkoitieii enche torrok aaibelekenyakino Nkai.

¹³ Nearaa ꞉ninche lairiruani kumo meeipung'o, neelie ltamoyia kumo lata, neichiunyie ninche.

Lkiye le Yoana Laipatisani

¹⁴ Kore tankaraki natining'ie nkarna e Yeso, nejoito lbata loo ltung'ana, <>

¹⁵ Nejo lkulie, <> Neitoki lkulie ajo, <> nening sii Lkinkii oji Erode lolo omon lenyena.

¹⁶ Naa kore pee ening, nejo, <>

¹⁷ Amu kore apa ꞉Erode naa keirruayie meibung'i Yoana. Neen, nepik jila tankaraki Erodias, nkitok e Pilipo lalache lenye, nawa ayem ewuon eichiu ninye.

¹⁸ Amu kejokita apake ꞉Yoana ninye, <>

¹⁹ Kore Erodias, naa keiba Yoana, neyieu near metua. Kake eitu etumoki,

²⁰ amu keurie apa ꞉Erode Yoana, nerripito ninye, amu keyielo ajo kera ltung'ani loosipat naa sinyati. Nenyamalu oleng teneinining Yoana, kake kecham ainining'o ninye.

²¹ Kore mparri nabo pee eitibir Erode sikukuu aachipakino inoto enye, neitoomono lkutuaa le sirkali enye o lkutuaa lenyena loo sikarini o larikok kutuaa le Galilaya, netum taa Erodias mpaach naasie inia nayieu.

²² Kore etikii sikukuu, nejing'u ntito e Erodias nkaji eranyakita Erode o lomon lenyena. Neiting'id ninche ꞉ranyata e inia tito. Nejoki ꞉Lkinkii inia tito, <>

²³ Neitoki anya lmumai eigil nkatitin kumo ejoki ninye, <>

²⁴ Neipung inia tito alo aiparichiere ng'otonye nejoki, <> Newoliki ajoki, <>

²⁵ Nesiooyo nabokata achukokino lkinkii neomon ajoki, <>

²⁶ Neisinanio lkinkii oleng, kake kore tankaraki lmuma oatama duo o tankaraki ltung'ana ooboitiere te misa, naaku meyieu negil natiaka inia tito.

²⁷ Nereu nabokata sikarii jila, neitanap ninye meyau nkue e Yoana. Nelo ilo sikarii nedung'u nkue e Yoana te inie,

²⁸ neyau ta ncharaa neicho ntito, neicho ꞉inia tito ng'otonye.

²⁹ Kore pee ening looiteng'eni le Yoana nataase, nepuonu aaya sesen lenye, neiteper to nkurarei.

Eitiemua ꞉Yeso lewa nkalupuni imiet

³⁰ Nerrinyunyie lkipaareta aaiturrurro te inie netii Yeso, nenyaki ninye mbaa pooki naataasa o naaiteng'enichete.

³¹ Kore tankaraki naruko ltung'ana epuonu inie netii ninche nepuo, naaku metum abaki ninche mpaach nanyayie ndaa. Nejoki Yeso ninche, <>

³² Naaku taa, nepuo ninche aapeny te meli ng'oji neliyio.

³³ Kake nedol ꞉ltung'ana ninche epuoito, neyielou lkumo, nekuet aapuo inie ng'oji tee nkejek eing'uaa lkerenketi pooki neng'as inie tekue ninche.

³⁴ Kore pee edou Yeso te meli, nedol lturrur kitok, neing'erru ninche amu ketuwuana nkerra nemeata lchekut. Neng'asu aiteng'en ninche mbaa kumo.

³⁵ Kore emuto, nepuonu looiteng'eni lenyena netii ninye nejoki, <

³⁶ Nchoo ltung'ana mechomo lchampai o nkang'ite naataana aanyiang'aki ate ntoki nanya.>>

³⁷ Kake neng'amaa ajoki, <> Neipar aajoki, <>

³⁸ Nejoki, <> Kore pee eidip aateyielo, nejoki, <>

³⁹ Neitanap Yeso ninche metiaaki ltung'ana pooki metowuana too lturrurri aajo siap too nkujit naanyori.

⁴⁰ Newueni ninche too lturrurri loo maa ip o loo maa onom.

⁴¹ Nerrapu ninye nenia mukateni imiet o lolo sinkirri oare neing'or chumata, neicho Nkai nache. Kore nenia mukateni, neor, neicho looiteng'eni lenyena meichoo ltung'ana. Neitoki ꞉Yeso aoriki ltung'ana pooki lolo sinkirri oare.

⁴² Nenya pooki neimu,

⁴³ nebosu looiteng'eni lenyena nkikapuni tomon o oare naabore ng'urrot ee mukateni o sinkirri.

⁴⁴ Kore lewa oaatama inia daa naa nkalupuni imiet.

Echomo Yeso te nkeper e nkare

⁴⁵ Kore ake payie eidip inia ataasai, neitirrichaki ꞉Yeso looiteng'eni lenyena metijing'a meli aaituruk aalang'aki Betesaida natii ildo kokun, esacharita ninye lturrur.

⁴⁶ Kore pee eidip aichoo ninche lesere, neing'uaa inie alo lowua aomon.

⁴⁷ Kore pee eaku teipa netabaka meli nkiji e mpaso, netii ake Yeso nkop apeny,

⁴⁸ nedol ꞉ninye looiteng'eni lenyena enyok aaikeeja aareu inia meli taa nkaik enche, tankaraki keochito ninche ꞉lkutati onang'are. Kore etinyikua nkakenya, nelo netii ninche epororita nkare, naa keyieu pee erepaa ninche,

⁴⁹ kake kore pee edol ꞉ninche ninye epororita nkare, nejo taa ltauja milika inia, nebuak aaichir,

⁵⁰ amu kore ninche pooki naa ketodua ninye, neiputukuny. Neirorie taa ꞉Yeso ninche nabokata ajoki, <>

⁵¹ Nedir ninye inia meli natii ninche, neperoo lkutati. Neing'asia ninche katukul.

⁵² Amu kore ninche naa ewuon ake eitu eibung naipirita napa bae e nking'asia ee mukateni, amu keitogoloki ltauja lenche.

Eichiunyie ꞉Yeso ltung'ana oomoyiaa te Genesaret

⁵³ Kore pee elang ninche mpaso, nebaki inia kop e Genesaret, neitacheyie meli teinie.

⁵⁴ Kore pee edou ninche te meli, neyielou Yeso ꞉ltung'ana nabokata.

⁵⁵ Nekuet ltung'ana aaman inia kop pooki, neng'asu aayau ltamoyia too nchoonito ng'oji pooki nening aajo ketii ninye.

⁵⁶ Naa kore pooki nelo ninye, paa nkang'ite, tanaa lkerenketi, tanaa sii lchampai, neiteper ꞉ninche lolo tamoyia too ng'ojitin neemirichereki. Nelej ꞉ninche ninye meiseyie ake sarkudai le nanka enye. Kore ꞉pooki ooiseyie ninye, neichiu.