Thusimtu 11 - Zanniat Bible

Mifim Ai Bawnhnak

¹ Na tangka sumpaihnak tuhin hmang tu, Ni khatkhat ah a miat ngah tuh isi.

² Na naihnak seu sarih ihlahle seu riat in khan tu, laivum ah zai thil sual hleng tuh i ti ling lo isi.

³ Mairo khuanim in ruah phur lekhaw laipua vumah burh tuh i, Thingkung khiah hlang lamah ituseh sak lamah ituseh tlu fangin, A tluhnak hmuncang ah tang i.

⁴ Hlivua lek a siktu in hlaici cing awng lo i, Khuanim lek a hlirtu in rongkhawm awng lo i.

⁵ Nupang in a pum songai nauniu, Akontih in nunhnak a hampan i ti a ling thil lo bangin; Zaizongza tibentu Pathian ai Naperhnak tu ling thil lo isi.

⁶ Zing lamah hlaici vorh tu, zan lam tian com mah; Akonmi a po pha tuh i ti ling lo isi; A pahnih in pha tuh maw ti ling lo isi.

⁷ Khuavar heh pha i, Nitleu hmu khai a hiam ngai i.

⁸ Mi pakhat kum raipui nung lekhaw a nuntluan in mi lungawi tuseh. Ikhalselai thi tuhai amah caah khuathim heh, sau tuh ngai i ti hih tu. Hmai lam hrang tuhin umlam tuh um lo i.

Mino Ca Nun Thuruahpehnak

⁹ Aw mino, na no laiah ang ngai in um tu; Na no lai can heh pha bik in hmang tu. Na thinlung daihhnak le, Na mit ai na hoihnak ah hlun tu. Ikhalselai hemi thil hmuahhmuah manin Pathian in na thu na khan tuh i, ti ling tu.

¹⁰ Na thinlung ai thinharhnak lon tu; Na taksa ai harhnak khai lon tu; Zaimantifangin a raipui na no tuh nawn lo i.