SAAM LABU 92 - Zanniat Bible

Thangphathnak La

¹ Bawipa hnenah anghnak thu rel le, Cungnungber Pathian, na hmingthanghnak la sa heh a hiam roh i!

² A kho ngai na ithnak tu zingsiar in phuang ai, Rintlak na ihnak heh zansiar in phuang selai,

³ A ri nai ai a tum thil awmawi: congcing le tingrisette thawn, Rintlak na ihnak zansiar in thangruai heh a nuam ngai i!

⁴ Aw Bawipa, na thil bawnhnak mangbangkul in i angruai i. Na bawnhnak manin ang ngai in la sa ing.

⁵ Aw Bawipa, na thil bawnhnak heh a ngaihsunurkul i! Na ruathnak tu thuk bang lawmlam e!

⁶ Mivoite ai ling ben tuhhnak ilo i; Mitawte ai ruat ban tuh khai ilo i.

⁷ Mihrokhrawl pawl tu hampa bangin po tuh i; Thilsual a bawntute tu khangso rohroh i. Ikhalselai anite tu siatsuah tuh sek i.

⁸ Zaimantifangin Bawipa nang tu kumzangza in Hmualnaiber isi.

⁹ Na ralte thi tlang tuh i ti ling i ing; Mihrokhrawl pawl tu sung tuhai piak tlang tuh sek i.

¹⁰ Nangmah in selle bangin i hatruai isi; Nunnuamhnak thawn hmuifu i pe ciazo isi.

¹¹ I ralte a sung hmu ing, Mihrokhrawl pawl aihramhnak za ciazo ing.

¹² Mifelte tu tuumkung bangin khang tuh hluanghlo i; Lebanon ai cedar thing bangin khang tlang tuh i.

¹³ Anite tu Bawipa ai inn songah birhnak thingkung bang i. Kin Pathian Biakinn songah khang ai,

¹⁴ A tar hnuaah khai a thai thai i; A catloin hing ai kho ngaingai i.

¹⁵ Hemi in Bawipa tu midikcang i, ti larruai i. Ani tu i lungpui i ai A songah dikcang lohnak zaikhai um lo i.