SAAM LABU 91 - Zanniat Bible

Kin Huptu Pathian

¹ Cungnungber hnenah himhnak daih in feh ai, Cungnungber kohlim hnia ai a umtu cenin,

² Bawipa hnenah, “Nang tu kin buan hmun le ralving isi; I Pathian isi ai na rinsan ing,” ti thil tuh i.

³ A lar lomi thinlauhnak in na hup tuhai, Ursia a phunphun songin na luatruai tuh i.

⁴ A ko in na hup tuhai, A kilkhawlhnak songah na him tuh i; Rintlak a ihnak tu na lum le na phaw i.

⁵ Zan ai laukulhnak khai na lau tuh lo ai, Sun ai conkiang khai na lau tuh lo i.

⁶ Khuathim lakai a vaktu pul ur, Sun khuavar ai mirek hmang siatsuahtu khai na lau tuh lo i.

⁷ Na hiangah thawng khat tlu tuhai, Na cingkim ah thawng hra tlu tuh i, Ikhalselai nang tu na tuahmawh tuh lo i.

⁸ Mihrokhrawl pawl cawhhnak a tuar zia khiah, nangmah in sik tuhai hmu tuh isi.

⁹ Bawipa tu na ṭantu ah bawn ai, Cungnungber heh na huptu ah na bawn manin,

¹⁰ Hnawmcanhnak zaikhai tawk tuh lo isi; Na inn hiangah thisan luanghnak hleng tuh lo i.

¹¹ Na vak hmuncang ah na huptu tuhin le, Na kilkhawltu tuhin Pathian in a vancungmi dah tuh i.

¹² Amahte kut in na cawi tuhai Na ke in lungsui tuh lo isi.

¹³ Chintit le rul fon tuh isi; A he roh chintit le a ru nai rulte khiah fon tuh isi.

¹⁴ Pathian in, “Kaimah i daihtute tu o tuhai, Bawipa ing ti a lingtute heh hup tuh ing.

¹⁵ I ko fangin awi tuh ing; Harsahnak a tawk fangin amahte hnenah um tuh ing; Kaimah in luatruai tuhai hmingphahnak pe tuh ing.

¹⁶ Nunsauhnak thawn a mah khiah thinkhimruai tuhai, ohnak khai hmuruai tuh ing.